محمد الشاذلي المتحدث بأسم وزاره الشباب والرياضه، طلع وقال إن لسه مافيش تصور نهائي لمقترحات تعديل قانون الرياضه، وبالذات اللي فيها موضوع بند الـ8 سنوات اللي عامل جدل كبير ووضح إن القانون القديم رقم 71 لسنة 2017 كان كويس، بس التطبيق طلع إن في حاجات ناقصه وبتحتاج تعديل.

ومن خلال مداخلته في قناه صدي البلد، قال إن مجلس النواب هو الجهه الوحيده اللي بتطلع تشريعات، وإنه حصل حوار مجتمعي شارك فيه ناس كتير، ومنهم العامري فاروق رحمه الله.

الشاذلي كمان وضح إن الأهلي كان بعت بيان للوزاره، والوزاره ردت بخطاب رسمي لرئيس النادي محمود الخطيب، وقالو فيه إنهم لسه في مرحله دراسه المقترحات، وأي حد عنده حاجه لازم يبعتها لمجلس النواب مش الوزاره.

هو كمان انتقد طريقه صياغه البيانات اللي بتطلع من بعض الانديه، وقال إن فيه بروتوكول لازم يتبع وأضاف إن بند الـ8 سنوات دي حاجه تخص الجمعيات العموميه مش الحكومه، وإن الوزاره مستنيه تشوف التوافق مع الميثاق الأوليمبي والدستور.

وختم كلامه إنهم مش ضد الأهلي ولا أي نادي، وبيشتغلو للصالح العام وبيدرسو كل الإحتمالات بحياديه.