اعلن نادي ليفربول الإنجليزي، النهارده الخميس، عن تجديد عقد مدافعه الهولندي فيرجيل فان دايك لحد سنة 2027، بعد ما كان المفروض عقده يخلص في صيف 2025، وده وسط إشاعات كتير إنه هيمشي من أنفيلد.

فان دايك اللي عنده دلوقتي 33 سنه، انضم لليفربول في يناير 2018 جاي من ساوثهامبتون، في صفقه كانت خرافيه وقتها بـ85 مليون جنيه إسترليني والظاهر إن النادي متمسك بيه، خصوصاً بعد ما أثبت نفسه واحد من أفضل المدافعين في العالم.

جريده ذا أتلتيك قالت إن اللاعب هيقبض دلوقتي 400 ألف جنيه إسترليني في الأسبوع، يعني تقريبا ضعف مرتبه اللي كان 220 ألف، وده بيخليه التاني في ترتيب أعلى لاعيبه ليفربول بعد محمد صلاح، اللي بياخد 480 ألف بالأسبوع.

صلاح ، جدد عقده هو كمان بس من غير زياده في المرتب، ولسه مكمل مع الفريق لنهاية موسم 2027.

الجدير بالذكر إن فان دايك بقى كده التالت في الدوري كله من حيث الرواتب، بعد هالاند وصلاح وليفربول دلوقتي بيستعد للقاء ليستر سيتي يوم الحد الجاي، وهو متصدر الدوري بـ76 نقطه.