سجلت الإعلاميه لميس الحديدي حلقه خاصه مع النجم كريم فهمي ف برنامجها “كلمة أخيره” اللي بيتذاع ع شاشة ON، وهتتعرض الحلقه قريب وبتتكلم عن مسلسل “وتقابل حبيب” والنجاح الكبير اللي حققه، وخصوصاً شخصية فارس أبو العزم اللي خدت قلوب الناس ف رمضان.

كريم في اللقاء اتكلم عن كواليس شغله مع النجمه ياسمين عبدالعزيز، وعن الكيميا اللي كانت بينهم عالشاشه، وقال إن الجمهور حب القصه والمشاهد علشان كانت صادقه ومليانه مشاعر.

وكمان كشف عن مشواره من الطب للفن، وإنه كان لاعب ناشئين ف الزمالك والأهلي، واتكلم عن حبه الكبير لمراته دانيا وقصة حبهم الجميله، وما نسيش يفتكر أيام الطفوله مع شقيقه أحمد فهمي.

مسلسل “وتقابل حبيب” من إنتاج الشركة المتحدة، ومن بطولة ياسمين عبد العزيز، خالد سليم، كريم فهمي، وصلاح عبد الله، ومعاهم كوكبه كبيره من النجوم زي أنوشكا ومنة عرفة ورشوان توفيق وغيرهم.

كريم نزل بوست ف آخر رمضان وقال “كنت قبل ما تنهي بينا قللنا شوية محبة.. سلام يا فارس”، وده خلى جمهور المسلسل يتأثر جداً ونزل تعليقات كتير فيها حزن على نهاية العمل.