وجه الهولندي فيرجيل فان دايك، مدافع نادي ليفربول، رساله صريحه بعد اعلان تجديد عقده مع الفريق، مؤكد إن علاقته بالنادي والجماهير والمدينه كلها اقوى من أي وقت فات، وإنه متفهم تمامًا كلام زميله محمد صلاح عن إن الفريق ده يستحق يفرح.

وفي تصريحات ليه على الموقع الرسمي للنادي، قال فان دايك محمد صلاح دايمًا بيتكلم عن إن الجمهور والفريق يستاهلوا كل حاجه حلوه، وأنا بصراحه متفهم ده جدًا، لأننا لسه قدامنا شغل لازم ننجزه، بس لما ننجزه يبقى من حقنا نحتفل براحتنا لأيام، يمكن كمان أسابيع وأضاف أنا مش من الناس اللي بتحب تتكلم كتير عن اللي جاي، بس اللي بطلبه من الجمهور حاجه بسيطه عايزكم تخلو ملعب أنفيلد نار في كل ماتش جاي، البسوا أحمر واعملوا دوشه، خلو الأجواء حماسيه علشان نكمل المشوار سوا

الكابتن الهولندي ختم كلامه برساله دعم للزمايله والجمهور، وقال إن اللي جاي مهم جدًا، وإنه واثق إن الجمهور هيكون قدها زي دايمًا.