أعلن الكابو حميد الشاعري عن أغنيته الجديده اللي قربت تنزل واسمها “من دخلتك علينا”، واللي وعد الجمهور إنها هتكون مفاجأة مختلفة عن اللي قدمه قبل كده.

حميد نشر صورة ليه مع فريق عمل الأغنيه على السوشيال ميديا وعلق عليها: “من الشمال مدير أعمالي طاهر فوزي، الشاعر الجميل تامر حسين، أسامة رشدي رئيس روتانا إيجيبت، الموزع الكبير توما، والملحن العسل مدين انتظرونا قريبًا جدًا”.

الأغنيه بتميل للطابع الفرفوش والبهجة، ودي من كلمات تامر حسين، ألحان مدين، وتوزيع توما، يعني تركيبة نجاح مضمونة.

في نفس الوقت، حميد بيعيش فترة فنية مزدحمة، وبيحضر لعدد من الأغاني، وكمان خلص تسجيل تراك جديد هيتعرض في فيلم سينمائي، ولسه هيعلن عن تفاصيله قريب.

من ناحية تانية، بيستعد حميد للسفر للسعودية عشان يشارك في حفل عالمي يوم 20 أبريل ضمن فعاليات الفورميلا 1، وهيكون معاه هشام عباس ومصطفى قمر.

وكان ظهر في رمضان اللي فات كضيف شرف بمسلسل “شهادة معاملة أطفال” في مشهد حفل خطوبة، وسبّب ظهور مفاجئ ومميز في الحلقة الأخيرة.