اكد محمد الشناوي حارس مرمى الأهلي إن الفريق متعود على اللعب في جنوب أفريقيا، قبل الماتش المرتقب ضد صنداونز ضمن ذهاب نصف نهائي دوري أبطال أفريقيا، اللي هيكون الساعه 3 عصر السبت على ملعب لوفتوس فيرسفيلد.

الشناوي قال في المؤتمر الصحفي عارفين إن الماتش صعب وصنداونز فريق قوي، بس عندنا مباراتين نحدد فيهم مصيرنا، وهدفنا نحقق نتيجه إيجابيه في الذهاب

وأضاف إن اللاعبين عندهم طموح كبير يكتبوا تاريخ جديد للنادي ويفوزوا بالبطوله للمره التالته على التوالي، وإنهم درسوا صنداونز كويس ومستعدين كويس جداً.

وشدد الشناوي إن الأهلي نادي كبير، ومعاه 12 لقب أفريقي، وهو تاني أكتر نادي في العالم واخد بطولات قاريه، وبيحترم كل المنافسين، بس هدفنا دايمًا الألقاب

واختتم كلامه صنداونز فريق بيتطور وضم لاعبين كويسين وبيعمل معسكرات برا، وده خلاه ينافس بقوه، بس الأهلي كمان واصل للنهائي خمس مرات ورا بعض، ورايح للنهائي السادس إن شاء الله

الاهلي صعد لنصف النهائي بعد ما فاز على الهلال السوداني في القاهرة ونواكشوط بنفس النتيجه 1-0.