دودو الجباس، مهاجم بيراميدز، اكد إن الفريق جاهز تمامًا لمواجهة أورلاندو بايرتس الجنوب أفريقي، اللي هتتلعب بكره السبت في ذهاب نصف نهائي دوري أبطال أفريقيا، وقال إنهم داخلين الماتش بطموح كبير علشان يحققوا حاجه تاريخيه.

في المؤتمر الصحفي، قال الجباس إن بيراميدز يفتخر بوصوله للمرحله دي، خصوصًا إنها تاني مره يشارك في البطوله، وإن طموحهم كبير جدًا ومفيش حدود ليه، وكلهم بيحلموا برفع الكأس.

اللاعب شدد إن كل الفريق جاهز، والجهاز الفني بقيادة الكرواتي كرونسلاف يورتشيتش عامل شغل عالي، وإن بيراميدز بيتطور بسرعه وبينافس بقوه على البطولات كلها.

وأشار كمان إن أورلاندو فريق محترم وفاز بالبطوله قبل كده، بس بيراميدز عنده لاعيبه اصحاب خبره، بعضهم لعب نهائيات والبعض توج بألقاب قبل كده، وده هيكون فارق في المواجهه.

وأكد الجباس إن اللي حصل بعد فوز أورلاندو على مولودية الجزائر مش هيأثر عليهم خالص، وإنهم لعبوا قبل كده في جنوب أفريقيا وأجواءها معروفه، والهدف دلوقتي إنهم يطلعوا بنتيجه كويسه تساعدهم في لقاء القاهره.