الدكتور أشرف صبحي، وزير الشباب والرياضه، اتطمن على بعثة النادي الأهلي وبيراميدز اللي موجودين دلوقتي في جنوب أفريقيا، استعدادًا لماتشات ذهاب نصف نهائي دوري أبطال أفريقيا.

الأهلي هيلاعب صنداونز بكره السبت الساعه 3 العصر، وبيراميدز هيواجه أورلاندو بايرتس في نفس اليوم الساعه 6 مساءً.

صبحي اكد في تصريحات على صفحة الوزارة الرسميه إنه بيتابع كل تفاصيل بعثات الفرق المصريه المشاركه في البطولات القاريه، وبيأكد على أهمية تهيئة كل الظروف المناسبه علشان الأندية تحقق أفضل النتائج وتكون واجهه مشرفه للكره المصريه.

كمان وجه الوزير بالتنسيق مع السفاره المصريه في جنوب أفريقيا علشان تقدم كل أشكال الدعم للبعثتين، وتحل أي مشاكل ممكن تواجههم سواء في الجانب الإداري أو اللوجيستي.

وأشاد صبحي بالمستوى اللي بيقدمه الأهلي وبيراميدز في مشوارهم في دوري الأبطال، وقال إن الوزاره دايمًا في ضهر كل فريق مصري بيرفع علم مصر في أي بطوله دوليه، ومش هتبخل بأي دعم ليهم.

كل التمنيات بالتوفيق للأهلي وبيراميدز في مواجهاتهم الجايه.