في لحظه من اللحظات الحزينه اللي عاشها الوسط الفني، توفي الفنان سليمان عيد فجر يوم الجمعه 18 إبريل، بعد ما جتله أزمه قلبيه مفاجأه في بيته، ونقلوه مستشفى في الشيخ زايد، بس للأسف وافته المنيه في عربية الإسعاف قبل ما يوصل المستشفى.

عدد كبير من النجوم حرصو يودعوه بكلمات كلها حزن وحب على السوشيال ميديا، ونشروا صور ليه وافتكروا ذكريات ومواقف بينه وبينهم، وكان من أبرزهم أحمد زاهر، يسرا، ليلى علوي، عمرو سعد، أحمد السقا، مي كساب، ومحمد هنيدي.

الجنازه كانت مليانه نجوم، ناس كتير حضروا وشاركوا في حمل النعش زي أحمد السقا، طه دسوقي، محمد ثروت، محمد علي رزق، وكمان حضر كريم محمود عبد العزيز، صلاح عبدالله، محمد عادل إمام، وأشرف زكي.

سليمان عيد اتولد في 17 أكتوبر 1968 في إمبابة، وكان من وسط بسيط، دخل معهد الفنون المسرحيه وبدأ مشواره بهدوء، لحد ما شارك مع الزعيم في فيلم “الإرهاب والكباب” سنة 1992، ومن وقتها وهو بيكبر في قلوبنا.

وكان ليه آخر ظهور في فيلم “سيكو سيكو”، ولسه ليه فيلم جديد “فار بسبع أرواح”. الله يرحمك يا سليمان.