كشفت تقارير إعلاميه ألمانيه النهارده، إن توماس مولر، نجم بايرن ميونخ، رفض عرضين كانو جايين له من نادي سينسيناتي الأمريكي وفريق فيورنتينا الإيطالي الصحيفه الألمانيه بيلد قالت إن فيه وكيل دخل في المفاوضات مع فيورنتينا، بس مولر مكانش حابب فكره الرحيل ليهم.

اللاعب اللي عنده ٣٥ سنه، هيرحل عن البايرن الصيف ده بعد ما قرر النادي إنه مش هيجدد عقده، وده بعد مسيره طويله مع العملاق البافاري فاز فيها بـ٣٣ بطوله، غير طبعا كاس العالم ٢٠١٤ مع منتخب المانيا.

مولر لحد دلوقتي ما قررش هيتعتزل ولا هيكمل اللعب في مكان تاني وفي احتماليه إنه يسافر مع بايرن أمريكا للمشاركه في كاس العالم للأنديه اللي هتتلعب من ١٥ يونيو لـ١٣ يوليو.

صحيفة بيلد وضحت كمان إن نادي سينسيناتي لسه عنده أمل يضم مولر، لأنه موجود في قائمه الاكتشاف بتاعتهم القائمه دي بتدي الفريق الحق الحصري إنه يتفاوض مع اللاعب لو قرر يجي الدوري الأمريكي ولو فريق تاني حب يضم اللاعب، لازم يدفع مقابل مالي للفريق اللي عنده حقوق الاكتشاف، زي ما حصل قبل كده مع ماركو ريوس لما راح لوس أنجليس جالاكسي.