بيستعد مصطفى محمد مهاجم نانت والمنتخب المصري لمواجهة صعبه النهارده قدام باريس سان جيرمان، وده في الجوله 29 من الدوري الفرنسي الماتش هيكون على ملعب لا البوجوار الساعه تسعه إلا ربع بالليل.

باريس جاي الماتش وهو فرحان بعد ما ضمن الدوري وتأهل لنص نهائي دوري الأبطال بعد ما خرج أستون فيلا الإنجليزي من البطوله بمجموع 5-4، ودي تاسع مره يوصل فيها للمرحله دي في تاريخه.

في الناحيه التانيه، نانت بيأمل يعمل نتيجه كويسه خصوصًا إنه بيلعب ع أرضه ووسط جماهيره، وده مهم عشان الفريق في المركز 13 ومعاه 30 نقطه، وبيفصله 3 نقط بس عن مراكز الهبوط.

مصطفى محمد قدم اداء حلو الجوله اللي فاتت وسجل هدف في الخساره قدام رين 2-1، وبكده وصل لهدفه السادس في الموسم، منهم 5 في الدوري و1 في كاس فرنسا.

فريق نانت عايز يعمل مفاجأة قدام باريس، خصوصًا إن المنافس ممكن يكون داخل الماتش بأقل ضغوط بعد ما حسم اللقب، بس عايزين يفضلوا في فورمة الفوز استعدادًا لأوروبا.