الملحن مدين عايش حالة فنيه نشيطه جداً اليومين دول، وده باين من كتر التعاونات اللي بيجهز لها مع نجوم كبار في مصر والعالم العربي.

بيرجع مدين يتعاون من جديد مع النجمة أصاله بأغنية اسمها “ضريبة البعد”، واللي بتحكي عن تأثير البُعد والفراق على الإنسان، وأصالة بتقدم فيها أداء جامد جداً، وكلماتها عميقة ولحنها حزين على الآخر.

كمان، بيكمل مشواره مع المطرب بهاء سلطان في أغنيتين جداد، الأولى “رسيني” وهي هتبقى الأغنية الرئيسية في الميني ألبوم بتاع بهاء، والتانية اسمها “اترموا” اللي شكلها هتعمل دوشة، خصوصاً إن الناس مستنية رجوع بهاء بجديد قوي.

ومش بس كده، فيه كمان أغنية تانية بيجهزها مع أحمد بتشان بعنوان “بطلت أعد الأيام”، اللي شكلها هتكون تريند وقت ما تنزل.

مدين يعتبر واحد من أنجح الملحنين اللي اشتغلوا مع ناس تقيلة زي تامر حسني، شيرين، حماقي، نانسي وعمرو دياب.

ومن آخر شغله، أغنية “العيد ابتدى” لتامر عاشور اللي نزلت في احتفالية عيد الفطر بحضور الرئيس السيسي، واللي كانت من ألحان مدين كمان.