المدير الفني الكرواتي كرونسلاف يورتشيتش، مدرب فريق بيراميدز، اتكلم عن المواجهه اللي جاية ضد أورلاندو بايرتس في نصف نهائي دوري أبطال أفريقيا، واللي هتتلعب الساعه 6 مساءً بكره السبت على ملعب سوكر سيتي في جنوب أفريقيا.

في المؤتمر الصحفي، قال يورتشيتش اللاعيبه لازم تكون فخوره إنها وصلت للمرحله دي من البطوله، ولازم يستمتعوا بالماتش ويقدموا كل اللي عندهم علشان نحاول نوصل للنهائي ونكسب اللقب

وأضاف عارف كويس إن الماتش صعب على ملعب أورلاندو ووسط جماهيره، وده فريق عنده خبره كبيره في البطولات القاريه، بعكس بيراميدز اللي لسه فريق جديد ولسه له 6 سنين بس، بس اللي حققه لحد دلوقتي يخلي أي حد يفتخر

كمل كلامه وقال إنه شاف ماتشات كتير لأورلاندو، وعارفهم كويس، وإن اللاعيبه مركزه وعايزين يرجعوا من جوهانسبرج بنتيجه تريحهم في ماتش الإياب.

وشدد مش هغير في طريقه اللعب علشان المنافس، إحنا لينا أسلوبنا الخاص وهنكمل بيه، وبيراميدز يستاهل يكون وسط الكبار في القاره، ودي فرصه نثبت نفسنا أكتر