كشف محمود فتح الله، مدافع الزمالك السابق والمدرب العام السابق لبيراميدز، إنه رايح النهارده لبنان عشان يخلص الإتفاق مع نادي النجمه اللبناني، اللي اعلن عن تعاقده معاه رسميًا لتدريب الفريق الفتره الجايه.

فتح الله قال هسافر لبنان النهارده عشان نتم الإتفاق على كل التفاصيل، ودي مش اول مره أتعامل معاهم

وأكد إن النجمه نادي كبير وعنده جماهير كتير، وكمان أخد بطولة الدوري الموسم اللي فات، وده بيأكد إن عندهم طموح ينافسوا دايمًا.

الفريق دلوقتي في المركز الخامس، ولسه قدامه 13 ماتش في الدوري، والفرق بينه وبين المتصدر 10 نقط بس، يعني لسه كل حاجه ممكنه.

فتح الله أضاف إن شاء الله نقدر نظهر بشكل كويس ونرجع الفريق لطريق البطولات، والهدف نكون منافسين أقوياء على اللقب الموسم الجاي

وقال كمان إن نادي النجمه عنده إمكانيات حلوه ويستاهل يكون في مكانه أعلى، وده اللي ناوي يشتغل عليه الفتره الجايه مع اللعيبه والإداره.