نفى بيب ماروتا، رئيس نادي إنتر ميلان الايطالي، الاخبار اللي بتقول إن المدرب سيموني إنزاجي ممكن يسيب الفريق ويروح يدرب الهلال السعودي قريب ماروتا وصف الكلام ده إنه كذبه واضحه وقال مفيش اي مفاوضات خالص بينهم وبين الهلال بخصوص إنزاجي.

الصحف الإيطاليه كانت قالت قبل كده إن إنزاجي جاله عرض ضخم من الهلال بـ٢٠ مليون يورو في السنه، رغم إن عقده مع إنتر شغال لحد صيف ٢٠٢٦ بس ماروتا حسم الموضوع وقال إن المدرب مستمر معاهم، بالعكس، فيه كلام دلوقتي عن تمديد العقد لسنه زياده لحد ٢٠٢٧، وكمان رفع راتبه من ٦ ٥ لـ٧ مليون يورو.

الملفت إن رئيس الهلال فهد بن نافل كان موجود في ميلانو الفتره اللي فاتت، واتقال إنه قابل وكيل إنزاجي، بس ماروتا أنكر ده كمان.

الهلال حالياً بينافس بقوه على الدوري، وهو في المركز التاني بـ٦٢ نقطه، وورا الاتحاد بـ٦ نقط، ولسه فاضل ٥ جولات.

كل ده وسط كلام عن قرب رحيل المدرب جيسوس من الهلال، اللي عقده بينتهي نهايه الموسم، فالإداره بتدور على بديل مناسب.