مارسيل كولر، مدرب الأهلي، بيستعد لمواجهة صعبه قدام صنداونز الجنوب أفريقي في نصف نهائي دوري أبطال أفريقيا اللقاء هيكون السبت الجاي الساعه 3 العصر في ملعب لوفتوس في بريتوريا، والماتش ده هيكون ذهاب المربع الذهبي.

الفتره اللي فاتت شفنا ثنائية وسام أبو علي ونييتس جراديشار موجوده دايمًا، إلا في ماتش بيراميدز، واللي شارك فيه جراديشار كبديل كولر مصر يلعب بيهم سوا، بس التوظيف بتاع السلوفيني جراديشار عالطرف بيقلل خطورته جدًا، ومابيحققش المطلوب في الهجوم.

يمكن فكرة كولر عن اللاعب اتغيرت بعد ما عمل أسيست لبنشرقي وسجل هدف في الزمالك، بس ده مش دليل كافي يخليه يفضل يلعبه على اليمين كل الماتشات كولر جرب يلعبه كصانع ألعاب وراه وسام، بس بردو اللاعب كان بيرجع كتير ويفقد تأثيره الهجومي.

في ماتش بيراميدز شفنا اداء مختلف، يمكن عشان النقص العددي، جراديشار دخل بدري وعمل تمريرة خطيره لوسام، لكن الأخير ضيعها كمان عمل أسيست لأحمد رضا وسجل الأهلي هدف التعادل.

كولر عنده عناصر هجومية ممتازه، لو وظفها صح هيبقى الأهلي مرعب، بس الأسلوب المكرر بيقلل خطورة الفريق.