بيستعد فريق مانشستر سيتي بقيادة نجمه المصري عمر مرموش لمواجهة ناريه ضد أستون فيلا، النهارده التلات، ضمن منافسات الجوله 34 من الدوري الانجليزي الممتاز اللقاء هيكون ع الساعه 9 مساءً على ملعب الاتحاد، وبيتوقع يكون من اقوي مباريات الأسبوع.

الفريقين بيدوروا علي الفوز عشان يضمنوا مكانهم في دوري أبطال أوروبا الموسم الجاي، خصوصاً إن البريميرليج ضمن 5 مقاعد للبطوله دي.

مرموش متوقع يبدا أساسي حسب تقرير صحيفة مانشستر إيفنينج ستاندرد وده بعد الأداء القوي اللي بيقدمه الفتره الاخيره اللاعب شارك في 11 ماتش وسجل 6 اهداف، رقم كبير لحد لسه جديد ع الفريق.

تشكيلة السيتي المتوقعه هيا
في حراسه المرمي أورتيجا
الدفاع ريكو لويس، دياز، جفارديول، أورايلي
الوسط كوفاسيتش، جيمس ميكاتي، دي بروين
الهجوم فودين، دوكو، ومرموش

الجمهور مستني يشوف مرموش هيعمل إيه المره دي، وهل يقدر يضيف هدف جديد لرصيده ولا لأ.