في تصريحات ناريه على قناة الأهلي، رد عدلي القيعي، رئيس شركة الكرة السابق بالنادي الأهلي، على تصريحات نيرة الأحمر، عضو مجلس إدارة الزمالك، وهشام نصر، نائب رئيس النادي نيرة قالت إن الزمالك بيتفرغ من لاعيبته عشان الأهلي بيدفع اكتر، لكن القيعي شاف الكلام ده مش واقعي.

وقال القيعي إزاي الزمالك خد حسن قداح من نادي الشمس ساعتها هشام نصر كان رئيس اتحاد اليد، وكان فيه توجيه واضح للاعب عشان يروح الزمالك وأضاف فريق طائرة السيدات في الزمالك فيه 6 لاعبات كانوا في الأهلي، يعني الموضوع مش من طرف واحد

وكمل القيعي كلامه وقال بنشرقي وإمام عاشور مكانوش في الزمالك قبل ما الأهلي يتفاوض معاهم، وكمان لاعيبة الزمالك اللي بتمشي، بتمشي عشان مش بتاخد مستحقاتها أو مش عايزين يجددوا

اما عن كلام هشام نصر بخصوص مصدر أموال الأهلي، قال القيعي كان بيضحك كنوع من السخرية، وبعدها شرح إن ده نتاج شغل سنين وبناء تراكمي، مش سحر

وختم القيعي كلامه عن زيزو وقال عارف إنكم هتزعلوا لو راح للأهلي، بس لو راح بره مش هيكون فيه نفس الضجة في إشارة لاحتمالية انتقال اللاعب للأهلي قريبًا.