عملت الفنانة سلوى عثمان جدل كبير اليومين اللي فاتوا بعد ما طلعت في برنامج “بداية جديدة” واتكلمت بصراحه عن دورها في مسلسل “العطار والسبع بنات”، واللي وصفته إنه نقطه سوده في تاريخها الفني، وده خلّى جمهور السوشيال ميديا ينقسم نصين.

سلوى قالت إنها من أول ما بدأت مشوارها وهي بتحاول تختار أدوارها بعناية، بس الدور ده بالذات كان ضعيف جدًا ومخدهاش أي مساحة حقيقية، وقالت كمان إنها اتخدعت لما اتقالها إن الدور مهم وله وجود، لكنها اكتشفت غير كده وقت التصوير، وندمت بعدها على المشاركة.

الكلام ده عمل صدى كبير، خصوصًا إن المسلسل ده كان من بطولة الراحل الكبير نور الشريف، واللي ناس كتير شايفين إن مفيش حد المفروض يتكلم عنه بالسلب، حتى لو الدور نفسه مش عاجب الممثل.

سلوى كمان في نفس اللقاء أشادت بمبادرة “بداية جديدة لبناء الإنسان” وقالت إنها مبسوطه إن الرئيس السيسي بيرعى حاجه بالشكل ده.

كمان اتكلمت عن مشروع “أكفل طفل” وقالت إن كل طفل يستحق بيت وأسرة تدعمه وتحبه.