في ليلة كانت كلها حماس وجنون كروي، خرج خوان لابورتا، رئيس نادي برشلونة، بتصريحات عن رد فعله بعد هدف جوليس كوندي القاتل اللي جه في الدقيقة 116 قدام ريال مدريد، في نهائي كأس ملك إسبانيا.

لابورتا قال بمنتهى الصراحة: “قفزت من مكاني بعد الجول، بس والله مكنتش عايز أدايق حد، رفعت دراعيا وقعدت تاني بسرعة. كانت لحظة كلها مشاعر وفرحة مش طبيعية”.

الهدف اللي سجله كوندي قلب الموازين وخلى برشلونة يفوز على الملكي ٣-٢ بعد ماراثون كروي طويل خلص بالتتويج بالكأس الغالية.

واضح من كلام لابورتا قد ايه الجول ده كان له طابع خاص، خصوصآ إنه جه في وقت كان خلاص الكل فاكر إن الماتش رايح لضربات الترجيح.

الجماهير في الكامب نو وفي كل حته في العالم كانت بتحتفل وكأنهم خدوا بطولة العالم مش بس كأس الملك، والفرحة اللي كانت عند لابورتا كانت صورة مصغرة من جنون وفرحة كل مشجع برشلوني حوالين الدنيا.

وفي النهاية، تفضل اللقطات دي محفورة في ذاكرة الكورة، مش بس عشان الفوز، لكن عشان اللحظات اللي بتخلي اللعبة دي أكتر حاجة بنحبها.