أعلن المطرب حسام حبيب من خلال حساباته الرسميه على السوشيال ميديا، عن فرصه جامده لكل حد عنده موهبه في التأليف الموسيقي، سواء كلمات أو لحن أو توزيع.

وقال إنه حابب يدي فرصه للناس تشارك بأغانيهم الأصليه في مشروعه الجديد، وطلب إن الاغاني تكون كلها من تأليف الشخص ومش منقوله من أي حاجه تانيه.

حسام راجع بقوه بعد غياب طويل، ومستعد ينزل ألبوم جديد في صيف 2025، هيبقى فيه 10 أغاني مختلفه، وهينزلهم واحده واحده كل أسبوع، علشان يبقى في تفاعل دايم مع الجمهور على مدار الصيف.

وقال إن الألبوم ده بيعبر عن مشاعره الحقيقيه، وعن فترتين صعبه وعدى بيهم، وهيكون بعيد عن الشكل التجاري المعتاد ووصفه إنه مغامره فنيه شخصيه.

وكمان حسام متفق مع المخرج طارق العريان، علشان يشارك في الغنا والتلحين للجزء التاني من فيلم “السلم والثعبان”، واللي هيبدأ تصويره قريب.

ناس كتير تفاعلت مع الخبر، واسم حسام حبيب اتصدر التريند، والكل مستني الألبوم الجديد ومفاجآته.