جوناثان تاه، مدافع باير ليفركوزن، طلع واكد بشكل نهائي إنه هيسيب النادي بنهاية الموسم الحالي، يعني بعد ما يقضي 10 سنين لعب فيها للنادي الألماني.

التصريح جه بعد ماتش ليفركوزن وسانت باولي اللي خلص 1-1، واللي ضيّع تقريبًا فرصهم في الفوز بالدوري، خصوصًا إن بايرن ميونخ متقدم بـ8 نقط ولسه فاضل 4 جولات.

تاه قال فـ تصريحات آخر ٤ مباريات ليا مع الفريق، والإدارة عارفه كده من زمان
اللاعب عنده 29 سنة، ولسه مافيش إعلان رسمي عن النادي اللي هينتقل له، بس في كلام ان بايرن ميونخ وبرشلونة مهتمين يضمّوه، خصوصًا إن بايرن كان قريب يجيبه من قبل.

تاه كان جه لليفركوزن سنة 2015 من نادي هامبورج، وفضل ثابت ومستقر في قلب الدفاع، وكان ليه دور كبير جدًا في موسم 2023-2024 اللي الفريق اخد فيه الدوري والكاس، وخسروا بس قدام أتالانتا في نهائي الدوري الأوروبي.

الجماهير حزينة ع رحيله، بس شايفين إنه يستحق خطوة أكبر بعد اللي قدمه.