رابطه الانديه المصريه المحترفه اعلنت في بيان رسمي ليها، إن فيه تعديل هيحصل على مواعيد مباريات الدوري بدايه من يوم 25 أبريل الجاي التعديل ده جه بسبب دخول التوقيت الصيفي اللي هيبتدي من نص ليل يوم 24 ابريل يعني من اول يوم الجمعه.

الخطاب اللي بعدته الرابطه للأنديه وضحت فيه إن الماتشات بدل ما كانت بتتلعب الساعه 4 و7 العصر، هتبقي الساعه 5 و8 مساءً القرار ده هيتطبق من الجوله التالته ولحد الجوله التاسعه من الدوري.

يعني بداية من يوم 28 ابريل، اللي هو مع انطلاق الجوله التالته، المواعيد الجديده دي هتكون ساريه، وده طبعاً هيأثر على استعدادات الفرق واللاعيبه وكمان الجماهير اللي متعوده تيجي في مواعيد معينه.

فيه ناس شايفه إن التغيير ده كويس علشان الجو الحر، وفيه اللي مش فارقه معاه بس في الاخر، الكل لازم يلتزم بالمواعيد الجديده عشان مفيش لبس ولا مشاكل.

اللي عايز يحضر الماتشات أو يتفرج من البيت، ياخد باله من التعديل ده علشان ميفوّتش حاجه.