كشفت تقارير صحفيه تركيه إن النيجيري فيكتور أوسيمين، مهاجم جالاتا سراي المعار من نابولي، خلص كل حاجه تقريبًا مع مانشستر يونايتد علشان ينضم ليهم من بداية الموسم الجاي.

الصحفيين سردار علي سيليكلر، وأيجون أوزيبيك، وأحمد كونانش قالو عبر حساباتهم على إن أوسيمين قال تمام ووافق على كل الشروط الشخصيه في عقده مع الشياطين الحمر.

الاتفاق بيقول إن العقد هيكون مدته 5 سنين، واللاعب هيقبض حوالي 15 مليون يورو في السنه، رقم كبير يخليه من اعلى الرواتب في النادي.

نابولي بقى، واضح إنه عايز يخلص من أوسيمين الصيف الجاي، وبيفكر يخفض الشرط الجزائي لعقده لـ80 مليون يورو، رغم إن مانشستر عايز يخلص الصفقه بـ60 مليون بس، اللي غالبًا مش هتكون كفايه في نظر النادي الإيطالي.

عقد أوسيمين الحالي مع نابولي فيه بند تمديد تلقائي لو الصفقة ماخلصتش قبل يونيو 2025.

أوسيمين كان معار لجالاتا سراي الموسم ده، ولعب 34 ماتش، سجل فيهم 29 هدف وصنع 6، أرقام خرافية خلت الكل يطلبه.