برشلونة عايش حاله من القلق والتوتر قبل أسابيع قليله من المواجهة الناريه ضد ريال مدريد في كلاسيكو الدوري الإسباني، بسبب خطر الإيقاف اللي بيهدد أربعة من نجوم الفريق الأساسيين.

الرباعي رافينيا، إنييغو مارتينيز، كوندي وجافي، كلهم على بعد إنذار واحد بس من الغياب، بعد ما وصل عدد البطاقات الصفراء لكل لاعب لـ4، وده معناه إن أي كارت تاني قدام بلد الوليد، هيساوي غياب رسمي عن مباراة الكلاسيكو المنتظره في الجولة 35.

لكن قبل ما يوصلوا للمواجهة دي، برشلونة عنده اختبار مهم ضد ريال مايوركا، ولو الرباعي خرج من المباراة دي من غير كروت، هتكون مواجهة بلد الوليد هي الفخ الحقيقي، واللي ممكن يغيّب أي حد منهم عن كلاسيكو الحسم.

الموضوع حساس جدًا، خصوصًا إن الكلاسيكو مش هيكون المواجهة الوحيدة بين الفريقين، لأنهم هيتقابلوا كمان في نهائي كأس ملك إسبانيا اللي جاي يوم السبت، وده بيخلي كل إنذار ممكن يكلّف كتير.

تشافي في ورطه، وقرار إشراك اللاعبين أو إراحتهم بقى موضوع محتاج حسابات دقيقه جدًا!