لحد دلوقتي لسه الغموض مسيطر حوالين مشاركة كيليان مبابي مهاجم ريال مدريد في نهائي كاس ملك اسبانيا ضد برشلونة يوم السبت الجاي، واللي هيتلعب على ملعب لاكارتوخا في اشبيليه.

مبابي غاب عن ماتش ريال مدريد الاخير ضد اتلتيك بيلباو في الدوري الإسباني، بسبب إصابه عضليه اتعرض ليها في مباراة أرسنال الإنجليزي في دوري الابطال، واللي كانت يوم الأربعاء اللي فات.

اللاعب الفرنسي بيكمل برنامجه العلاجي، وبيعمل تدريبات خفيفه واستشفائيه على جنب بعيد عن التدريبات الجماعيه، وده بيخلي احتمالية مشاركته في الكلاسيكو لسه مش واضحه.

الجهاز الفني في مدريد بيحاول يجهز مبابي باقصى سرعه، لكن لحد دلوقتي مفيش أي مؤشر إنه راجع للتدريبات الجماعيه، وده بيقلق جمهور ريال مدريد كتير خصوصًا مع أهمية المباراة.

من ناحية تانيه، فيرلاند ميندي بدأ يقرب من الجاهزيه، وممكن يكون موجود في مباراة برشلونة، بعكس مبابي اللي موقفه بقى في علم الغيب.

الايام الجايه هتحدد إذا كان مبابي هيلحق النهائي ولا لأ، لكن الوضع الحالي مش مطمّن أوي.