يبدو إنّ أيام كارلو أنشيلوتي مع ريال مدريد قرّبت تخلص، خصوصًا بعد الكلام الكتير اللي طلع من الصحافة الإسبانية والكل بيأكد إنّ نتيجة الكلاسيكو الجاي ضد برشلونة في المونتجويك يوم 11 مايو، هتكون فاصلة في مستقبل المدرب الإيطالي مع الملكي.

الصحفي أنطوان مينا من إذاعة كادينا سير قالها بصراحة، لو الريال خسر قدام البرسا، ده ممكن يكون آخر ماتش لأنشيلوتي مع الفريق وإدارة النادي مش عاجبها الوضع، ورغم إن الفريق ماشي كويس في الدوري، بس الخروج من دوري الأبطال ولا خسارة قدام الغريم التقليدي، ممكن تكون القشة اللي قسمت ضهر البعير.

أنشيلوتي عنده تاريخ طويل مع الريال، وحقق بطولات كتير، بس في عالم كرة القدم، مفيش رحمة، والنتايج هي اللي بتحكم وجماهير الريال كمان منقسمة، في ناس شايفاه قدم اللي عليه، وناس تانية شايفة إن الفريق محتاج دم جديد وأفكار مختلفة.

الماتش ده مش بس كلاسيكو، ده ماتش مصيري، ممكن يحدد شكل الموسم، وممكن يحدد مستقبل مدرب كبير زي أنشيلوتي.