نجوم الفن يحتفلو بشم النسيم وفيفي عبده تشعل الأجواء بـ”الدنيا ربيع”
اتجمعت كوكبه كبيره من نجوم الفن في احتفاليه مبهجه بمناسبة شم النسيم، وكان الحدث مليان ضحك وغنا، وظهرت فيه النجمتين نبيلة عبيد وفيفي عبده وهما بيغنوا سوا أغنية “الدنيا ربيع” وسط أجواء فرح وضحك.
الإعلاميه بوسي شلبي نزلت فيديو على تيك توك ظهرت فيه مع عدد من النجوم زي فيفي ونبيلة، ومعاهم الهام شاهين، لبلبه، نرمين الفقي، خالد زكي، رانيا فريد شوقي، سوزان نجم الدين، ودنيا عبد العزيز، وكانت لقطاتهم مليانه طاقه إيجابيه وفرح.
كمان ظهرت الفنانة السوريه سلاف فواخرجي مع جوزها وائل رمضان، ولفتوا الأنظار ليهم، خصوصًا بعد ما قعدت فتره في مصر والجدل اللي حصل حوالين شطبها من نقابة الفنانين في سوريا.
من ناحية تانيه، شاركت فيفي عبده في رمضان 2025 في الجزء التاني من مسلسل “العتاولة”، اللي بيشارك فيه نجوم كبار زي أحمد السقا، وطارق لطفي، وزينة وغيرهم، والمسلسل نال اهتمام واسع واتعرض على MBC مصر ومنصة شاهد.
يوم كله فن وبهجه والكل كان مبسوط على الاخر.
