شاركت النجمه نانسي عجرم متابعينها على إنستجرام شوية صور من حفلها الأخير اللي عملته في مدينة إربيل، وظهرت فيها بإطلاله أنيقه جدًا نالت إعجاب جمهورها. وكتبت على الصور: “بعض الليالي تعيش للأبد، شكرا إربيل”، والناس اتفاعلت مع البوست بشكل كبير.

نانسي كانت محتفله قبلها بعيد القيامه مع عيلتها، ونزلت صور من باريس وهي مع جوزها وبناتها وسط أجواء عائلية دافية.

وده خلى جمهورها يشاركها الفرحة ويباركلها في التعليقات.

كمان نانسي مؤخراً كاسره الدنيا بأغنية إعلان “تيجي نعيش” اللي قدمته لإحدى شركات الاتصالات، والأغنية دي وصلت المركز الأول على أنغامي ومتصدره قوائم الأغاني في مصر والعالم العربي، متفوقه على نجوم كبار زي شيرين عبد الوهاب وحسين الجسمي.

الأغنية من كلمات منة القيعي، وألحان مدين اللي قدر يعمل لحن مبهج وراقي في نفس الوقت، مع توزيع حلو جدًا من أحمد طارق يحيى.

ونانسي بصوتها وإحساسها زودت جمال الأغنية وقدرت توصلها لقلوب الناس بسرعه.

نانسي لسه بتثبت إنها دايمًا رقم واحد في قلوب جمهورها.