اتكلم مصطفى فتحي، نجم بيراميدز، عن مباراة الفريق المهمه قدام أورلاندو بايرتس الجنوب أفريقي، في ذهاب نصف نهائي دوري أبطال أفريقيا، واللي هتتلعب النهارده السبت الساعة 6 مساء على ملعب سوكر سيتي في جوهانسبرج.

قال فتحي في تصريحات للمركز الإعلامي لبيراميدز إن اللقاء مش سهل، بس اللعيبة عارفين ازاي يتعاملوا معاه، وإن الهدف هو تحقيق نتيجه إيجابية في الذهاب، وعدم التسرع علشان لسه في إياب بعد أسبوع في القاهرة هيكون الحسم على ملعبهم.

وأضاف إن الفريق حالياً عايش حاله تركيز عاليه جداً، خصوصاً بعد ما تصدر الدوري وماشي بخطى ثابته، وكمان موجود في نهائي كاس مصر، وكمان قرب من نهائي دوري الأبطال، وده إنجاز كبير، والمهم إن المشاركة في كذا بطوله مش تأثر على تركيز اللاعيبة.

وختم كلامه الكل دلوقتي بيفكر في البطولة الأفريقية، ولاعيبة بيراميدز، سواء المصريين أو الأجانب، رجاله وعندهم خبرات في الماتشات الكبيرة، وعندهم طموح يخلّصوا الموسم وهم بيرفعوا الكؤوس