عمر مرموش، نجم منتخب مصر ولاعب مانشستر سيتي، داخل بقوه ضمن المرشحين لقياده الهجوم في الجوله 33 من فانتازي الدوري الإنجليزي الممتاز، واللي هتبدأ يوم السبت 19 أبريل، قبل أول ماتش الساعه 4 العصر، والديدلاين هيكون الساعه 2 ونص.

فريق الكشافه الرسمي بتاع فانتازي رشح أكتر من مهاجم، بس مرموش كان على رأسهم، وسعره في اللعبه 7 6 مليون. معاه في الترشيحات واتكينز من أستون فيلا بـ8 9 مليون، وماتيتا من كريستال بالاس بـ7 8 مليون.

الأرقام بتقول إن مرموش متفوق عليهم في آخر 6 جولات (من 27 لـ32)، سجل 3 أهداف وصنع واحد، وجمع 33 نقطه ومعاهم 7 بونص واتكينز جاب 2 أهداف وصنع هدف واحد وخد 5 بونص، اما ماتيتا سجل 2 بس من غير أسيست وجاب 4 بونص.

الفرق الحقيقي في عدد التسديدات، مرموش سدد 19 مره، أكتر من واتكينز وماتيتا مجتمعين بـ13 تسديده

اللاعب كمان عنده ميزة مهمه، مانشستر سيتي هيلعب جولتين في نفس الأسبوع، أول ماتش قدام إيفرتون يوم السبت، والتاني ضد أستون فيلا يوم التلات، يعني فرصه مضاعفه للنقاط.