لفتت الفنانه ليلى أحمد زاهر أنظار الناس بفستانها الرقيق والهادي فـ يوم عقد قرانها على الفنان والمنتج هشام جمال، اللي اتعمل يوم الاتنين 14 أبريل بحضور عدد كبير من النجوم والنجمايت.

ليلى لبست فستان لونه أبيض من قماش دانتيل كروشيه، وكان فيه نقوش هندسيه وخطوط بالعرض، ومن تصميم سهى مراد، واللي ساعدها كمان فـ اللوك كان عمر عبد الغني الاستايلست، اللي بيشتغل معاها دايمًا وبيطلعها بأحلى طله.

الفستان كان بسيط وراقي، وكانت لابسه حلق صغير بس كـ أكسسوار، وملمّه شعرها من قدام وسايباه نازل ورا، شكلها كان زي الأميرات بالظبط.

حضر القراية ناس كتير من الوسط الفني زي محمد جمعه وعمرو وهبه وأحمد صفوت، وكان الكابتن محمود الخطيب رئيس الأهلي شاهد على القران.

وكانت ليلى قالت قبل كده في بودكاست “موضوع عائلي” إنها بتحس مع هشام جمال بالأمان، وإنه بيحافظ عليها زي أبوها، وإن أهم حاجه فـ علاقتهم إن محدش يدخل بينهم، وده اللي مخلي الحب والاحترام بينهم دايم.