بيرجع الدوري الإنجليزي بسرعه بعد نهايه الجوله 33 امبارح، وبيبدا النهارده جوله جديده وهي الجوله رقم 34. الدوري قرب يخلص، ولسه المنافسه شغاله، بس ليفربول قرب أوي من حسم اللقب.

الريدز دلوقتي في صدارة الجدول ومعاه 79 نقطه، وده بيخليه متقدم بـ13 نقطه عن أرسنال اللي في المركز التاني بـ66 نقطه، ولسه باقي 5 جولات بس على نهايه الموسم يعني ليفربول محتاج 3 نقط بس ويفرح جمهوره باللقب اللي بقاله مده بيستناه.

في الجوله دي، أرسنال هيلعب مع كريستال بالاس بكرا الأربعاء، ومباراته مهمه عشان يفضل محافظ على أمله الضعيف، اما ليفربول فهيلعب مع توتنهام يوم الأحد الجاي، ودي ممكن تكون المباراه اللي تحسم فيها البطوله رسمي.

الترتيب الحالي للدوري قبل ما تبدأ الجوله 34

1- ليفربول 79 نقطه
2- أرسنال 66 نقطه
3- نوتنجهام فورست 60 نقطه
4- نيوكاسل يونايتد 59 نقطه

الجولات الجايه كلها هتكون ناريه، خصوصًا للفرق اللي بتحاول تلحق بمراكز أوروبا أو تهرب من الهبوط.