صحيفة “بيلد سبورت” الألمانية كشفت الصبح النهارده الاتنين، إن نادي لايبزيج وافق بشكل رسمي على رحيل لاعب الوسط الهولندي تشافي سيمونز في الصيف الجاي، وده فتح الباب قدام كل الأندية اللي بتراقب اللاعب الشاب عشان تبدأ تتحرك بعروض رسميه.

الصحيفه قالت كمان إن النادي الألماني ناوي يطلب حوالي 70 مليون جنيه إسترليني مقابل بيع سيمونز، وده مبلغ كبير بيأكد إن اللاعب بقى واحد من أهم المواهب المطلوبه في السوق الأوروبي.

فيه توقعات إن أندية كتير من كبار أوروبا هتدخل المنافسه عليه، خصوصًا مع الأداء المميز اللي بيقدمه في مركزه كصانع ألعاب، وسنه الصغير اللي بيخليه استثمار طويل المدى لأي نادي.

وكل المؤشرات بتقول إن تشافي سيمونز مش هيكمل في لايبزيج الموسم الجاي، وفرصه كبيره نشوفه في نادي تاني بقميص مختلف، في صفقة ممكن تبقى من أغلى صفقات الميركاتو.

الجمهور مستني يعرف خطوته الجايه، والكل حاطط عينه على النجم الهولندي اللي جاي بقوه في عالم الكوره.