الأنظار كلها هتكون متجهه النهارده لملعب جوزيبي مياتزا (سان سيرو) في ميلانو، علشان نشوف ديربي الغضب بين إنتر ميلان وميلان في إياب نصف نهائي كأس إيطاليا لموسم 2024-2025.

ماتش الذهاب كان انتهى 1-1، وده مخلي كل فريق لسه عنده فرصه متساويه للتأهل للنهائي الإنتر والميلان داخلين الماتش وكل فريق عايز يرد اعتبار بعد خسارته في الدوري بالجوله اللي فاتت، الإنتر خسر قدام بولونيا 1-0، ونفس النتيجه خسر بيها الميلان من أتالانتا.

الفاينال هيكون ضد الفائز من بولونيا وإمبولي، وبولونيا تقريباً ضامن بعد ما كسب 3-0 في الذهاب.

فيه شائعات كانت بتتكلم عن تأجيل المباراه بعد خبر وفاة البابا فرنسيس، واللي تسبب بتأجيل شوية مباريات، لكن الاتحاد الإيطالي أكد إن الماتش هيُقام في ميعاده ومفيش تغيير.

صافرة البدايه هتكون الساعة 9 مساءً بتوقيت القاهرة، والمباراه هتتذاع على قناة AD Sports Premium 1، والجماهير مستنيه حاجه كبيره من الفريقين في ديربي الغضب المنتظر.