ريال مدريد بيقرب من إنهاء موضوع تجديد عقد النجم البرازيلي فينيسيوس جونيور، حسب ما قالت تقارير إعلاميه إسبانيه النهارده فينيسيوس اللي عنده 24 سنه، كان انضم للريال سنة 2018 جاي من فلامنجو البرازيلي، والصفقه وقتها كانت بـ45 مليون يورو.

العقد الحالي بتاعه المفروض ينتهي في صيف 2027 بعد ما جددوه في 2023، لكن حسب صحيفة ماركا دلوقتي المفاوضات وصلت لمرحله متقدمه جدًا، وبقى اللاعب قريب جدًا من التجديد لحد 2030.

التقارير كمان قالت إن ممكن يتم الإعلان الرسمي عن التمديد قبل نهاية الموسم الحالي، خصوصًا بعد العروض الكبيره اللي وصلت لفيني من الهلال والأهلي السعوديين، وده اللي خلّى إدارة الريال تتحرك بسرعه عشان تحافظ على نجمها وتزود راتبه كمان.

فينيسيوس يعتبر من الأعمده الأساسيه في تشكيل أنشيلوتي، وشارك الموسم ده في 46 ماتش في كل البطولات، سجل فيهم 20 هدف وصنع 14، وأرقامه بتأكد قد إيه هو مهم ومؤثر مع الفريق.