فيرجيل فان دايك، مدافع ليفربول، اتكلم عن فرصه تتويج فريقه بالدوري الإنجليزي، وقال إن الأسبوع ده ممكن يكون حاسم جداً، خصوصاً لو كريستال بالاس كسب أرسنال بكرا الأربعاء، وقتها ليفربول هيتوج باللقب قبل حتى ما يلعب مباراته ضد توتنهام يوم الأحد.

فان دايك قال في تصريحات للموقع الرسمي للنادي الوضع اللي إحنا فيه دلوقتي شعور رائع، الموسم كان مليان لحظات حلوه وأداء ممتاز من الفريق وأضاف عندنا فرصه نحسم اللقب قدام توتنهام، اللي لعبنا معاه 3 مرات الموسم ده، وكل مره كانت مواجهه قويه جدًا

وقال كمان لو حصل حاجه في ماتش أرسنال وبالاس، هنكون في أيام سعيده، بس لو لأ، لازم نكون مستعدين لتوتنهام ونكمل على نفس الأداء القوي

لو اتوج ليفربول باللقب، فان دايك هيكون القائد رقم 11 اللي يرفع الدوري في تاريخ النادي وعن ده قال أكيد بفكر في الموضوع، ومش هكدب وأقول غير كده، بس تركيزنا دلوقتي كله على ماتش توتنهام، وده الأهم