طلعت تقارير صحفيه بتأكد إنو لجنة الإنضباط فـ الاتحاد السعودي قررت تعاقب أحمد عسيري، مدافع نادي الرياض، بعد ما ارتكب سلوك مشين قدام لاعب النصر جوان دوران فـ مباراة الجوله 27 من دوري روشن.

المباراة إنتهت بفوز النصر 2-1، لكن الحكاية ما خلصت، لأن فـ آخر لحظات اللقاء، أحمد عسيري ضرب دوران بدون كوره، قدام الحكم اللي ما تردد وطردو بالكرت الأحمر مباشر.

الإعلامي عبدالعزيز العصيمي كتب ع منصة “إكس” إنو لجنة الإنضباط قررت توقيف عسيري مباراتين، من ضمنهم المباراة اللي طُرد فيها تلقائي، وكمان غرموه 20 ألف ريال سعودي.

رغم إنو الكتير من جمهور الكوره كانوا منتظرين عقوبه أقوى، خصوصًا لأنو الفعل ماكان رياضي بالمرة، إلا إنو اللجنة شافت إن الإيقاف لمباراتين كافي.

كدا عسيري حيغيّب عن مباراتين قدام، وحيحاول يرجع بالجولة 30. الجمهور لسه منقسم بين شايف العقوبه خفيفه، وبين اللي بيقول المهم اتعاقب.