زياره وزير الدفاع السعودي لطهران تعكس تحول كبير فالعلاقات الثنائيه
في زياره وُصفت إنها تاريخيه ومهمه جداً، وصل الأمير خالد بن سلمان وزير الدفاع السعودي للعاصمه الإيرانيه طهران، في خطوه تعتبرها كثير من الجهات إنها تغير نوعي بالعلاقات بين المملكه وإيران، خصوصاً بعد سنين من القطيعه.
الزياره هذي تعتبر تتويج لمسار طويل من المحادثات، من يوم توقيع اتفاق بكين في مارس 2023، اللي رجّع العلاقات بين البلدين بعد أكثر من 7 سنوات من التوتر.
وزير الدفاع قابل المرشد الإيراني علي خامنئي، وسلّمه رساله من الملك سلمان، والتقى بالرئيس الإيراني بزشكيان، وكل هاللقاءات تبين إن العلاقات ما صارت بس رسميه، بل ماشيه بخطى جديه نحو تقارب استراتيجي.
الدكتور هشام الغنام، قال بقناة العربيه إن الزياره ممكن تفتح الباب لتعاون عسكري، ويمكن نشوف مناورات مشتركه مستقبلاً. وأكّد إنها مو بس زياره بروتوكوليه، لكن تعبير عن نوايا حقيقيه لتقويه العلاقات.
وأضاف إن السعوديه وإيران لو استمروا بهالمسار، راح يخفّ التوتر بالمنطقه، ونشوف شراكه بدل الصراعات الإعلام الإيراني نفسه وصف الزياره إنها خطوه استراتيجيه تغير التوازن بالشرق الأوسط
