شاركت الفنانه روبي متابعينها علي إنستجرام بصور جديده من جلسه تصوير حديثه ليها، وظهرت فيها بفستان قصير مكشوف الكتفين ولامع بيجمع بين اللون الدهبي والفضي.

الفستان اللامع اللي لبسته روبي من ماركه Retrofete وسعره وصل لـ ٤٩ الف جنيه مصري، وده أثار جدل واسع بين الجمهور بسبب سعره الغالي، بس في نفس الوقت الكتير أشادوا بجمال الإطلاله وأناقتها.

روبي سابت شعرها منسدل على كتفها بشكل مموج، واستخدمت مكياج ناعم مناسب للألوان اللي لابساها، وده خلى الصور تلقى تفاعل كبير.

وعلي الصعيد الفني، شاركت روبي في رمضان ٢٠٢٥ بمسلسل “إخواتي”، اللي كان بيتكون من ١٥ حلقه واتعرض في النصف الأول من رمضان، وجسدت فيه شخصية “أحلام”، أرمله بتشتغل سائقه ومعاها طفلين، وبتدخل في دوامه مشاكل بعد وفاة جوز أختها.

المسلسل شارك فيه كمان نيللي كريم وكنده علوش وجيهان الشماشرجي وغيرهم، وحقق ردود فعل كويسه من الجمهور، وكان من إخراج محمد شاكر خضير وتأليف مهاب طارق.