أعلن بيب جوارديولا، المدير الفني لنادي مانشستر سيتي، عن تشكيل فريقه اللي هيخوض بيه مواجهة قويه ضد إيفرتون، ضمن منافسات الأسبوع الـ33 من الدوري الإنجليزي الممتاز.

الماتش هيتلعب النهارده على ملعب جوديسون بارك، الساعة الخامسه عصرًا بتوقيت مكه المكرمه، وبيسعى فيه السيتي للرجوع لطريق الانتصارات بعد شوية نتائج متذبذبه.

التشكيله الرسميه للسيتي:
في حراسة المرمى: أورتيجا
الدفاع: نونيز، دياس، جفارديول، أوريلي
الوسط: جوندوجان، نيكو جونزاليس، دي بروين، سافينيو، بيرناردو
وفي الهجوم: عمر مرموش

مانشستر سيتي حاليًا في المركز الخامس على جدول ترتيب الدوري الإنجليزي، ومعاه 55 نقطه، جمعهم من 16 فوز، و7 تعادلات، و9 هزائم، وده بعيد عن مكانه المعتاد في المنافسه على القمه.

النهارده السيتي داخل الماتش وهو محتاج الفوز بأي شكل عشان يفضل في سباق المراكز المؤهله لدوري الأبطال، وإيفرتون كمان مش هيسيبها سهله، وعايز يحقق نتيجه إيجابيه قدام جماهيره.