رابطة الدوري الإيطالي قررت فجاه، إنها تأجل مباريات اليوم الإثنين اللي كانت ضمن جولة ٣٣ من الكالتشيو، والسبب كان وفاة بابا الفاتيكان اللي توفى الصبح عن عمر ناهز الـ٨٨ سنة بعد معاناة كبيره مع المرض.

الخبر نزل زي الصدمه على الوسط الرياضي، وعلشان كده الرابطة شايفه إنه من باب الإحترام، كل المباريات لازم تتأجل وده اللي حصل فعلًا لحد دلوقتي ماحددتش الرابطة إمتى هتلعب المباريات دي، بس هيأكدوا المواعيد لاحقًا.

كان المفروض يتلعب ٤ ماتشات النهارده، أولهم تورينو ضد أودينيزي الساعه ١٢ ٣٠ الظهر، بعدها كالياري ضد فيورنتينا الساعة ٣ العصر، وجنوى ضد لاتسيو الساعه ٦ المغرب، وأخرهم بارما ضد يوفنتوس الساعه ٨ ٤٥ بالليل، وكلهم كانو هيبقوا على قنوات AD SPORTS Premium 1.

الجماهير طبعًا مستغربين، بس في ناس شايفه القرار فيه نوع من الإنسانيه والاحترام، خصوصًا إن البابا ليه تأثير كبير في إيطاليا.

هنستنى الإعلان الجديد عن المواعيد، ونتمنى إن الأمور تمشي بهدوء الفتره الجايه.