قبل ساعات من الموقعة المنتظرة بين النصر وكاواساكي الياباني في نصف نهائي دوري أبطال آسيا للنخبة، طلع المدرب الإيطالي ستيفانو بيولي بتصريحات قوية، وضح فيها جاهزية فريقه لأي سيناريو ممكن يصير في المباراة، وأكد إن المواجهة مش سهلة، بس العالمي جاهز.

بيولي قال بالحرف: “حنواجه فريق منظم وعنده عناصر قوية، عشان كده لازم نلعب ككتلة وحدة، ونكون مستعدين لأي مفاجأة ممكن تحصل” كلامه فيه وعي واضح بحجم الخصم، وإن المباراة ما راح تكون نزهة لأي طرف.

وأضاف: “اللي يوصل لنصف النهائي يستاهل، وده يخلّي المباراة تكون بندية عالية، كل فريق حيقاتل عشان يضمن بطاقة النهائي، وده اللي احنا حاطينه ببالنا.”

وبيولي ما نسى ينوّه بتطور فريقه وقال: “مستوانا في تصاعد مستمر، واللاعبين قاعدين يشتغلوا بأفضل ما عندهم، نبغى نتحسّن كل يوم ونطور نفسنا أكثر، ومستوى الفرق السعودية في البطولة دليل على قوة الدوري اللي نلعب فيه.”

الجمهور النصراوي متحمّس ومستني يشوف فريقه يقاتل ويقدّم عرض يليق باسم العالمي، خصوصًا بعد تصريحات المدرب اللي بثّت نوع من الطمأنينة والثقة في قلوب الجماهير.

فهل ينجح بيولي بقيادة النصر للنهائي الحُلم؟