بيراميدز بيستعد يكمل مشواره في الدوري المصري الممتاز، لما يواجه فريق حرس الحدود في الأسبوع التالت من المرحلة النهائيه للمسابقة، والماتش حيتلعب يوم السبت 30 أبريل، على ملعب الحرس.

رابطة الأنديه كانت اعلنت قبل كده عن تعديل مواعيد الماتشات بعد ما بدأ التوقيت الصيفي، وعلشان كده الماتش حيبقى الساعة 5 العصر بدل 4، وده من بداية الجولة التالته.

بيراميدز لحد دلوقتي متصدر جدول الترتيب بـ44 نقطة، ووراهم الأهلي في المركز التاني بفارق 4 نقط، يعني كل ماتش بيكون مهم جدًا ليهم علشان يفضلوا في الصداره.

اما حرس الحدود فهو في المركز التاسع، معاه 22 نقطة، وبيحاول يثبت وجوده في مجموعة حسم اللقب، رغم إن مهمته مش سهله قدام فريق قوي زي بيراميدز.

الجمهور متحمس يشوف إذا كان بيراميدز حيقدر يواصل سلسلة الإنتصارات، ولا الحرس حيكون ليه رأي تاني ويوقف المتصدر الماتش متوقع يكون قوي ومليان حماس من أول دقيقه.