وجهت الفنانه آيه سماحه إعتذار رسمي للصحفيين والمصورين بعد الهجوم اللي حصل منها ومن زوجها الفنان محمد السباعي اثناء تغطية جنازه الفنان الراحل سليمان عيد.

وكتبت آيه على حسابها الرسمي في فيسبوك: “كل التقدير والاحترام لكل صحفيين ومصوري مصر المحترمين، وكل الاحترام لدورهم دايمًا كشركاء نجاح، ومفيش أي ذكر لأي صحفي أو مصور سواء من قريب أو بعيد”.

الأزمه بدأت لما بعض الصحفيين والمصورين غطوا جنازة وعزاء الفنان سليمان عيد، ووقتها محمد السباعي ومراته آيه أعربوا عن غضبهم بسبب التصوير والطريقة اللي حصل بيها التغطية، وده اتفهم على إنه هجوم مباشر.

آيه كانت شاركت في موسم رمضان 2025 بمسلسل “الكابتن” اللي كان من 15 حلقه واتعرض في نص رمضان، وشاركها البطوله أكرم حسني وسوسن بدر وغيرهم.

وعلى الجانب التاني في السينما، آيه ظهرت مؤخرًا في فيلم “6 أيام” مع أحمد مالك، واللي بتحكي قصته عن يوسف وعاليه اللي اتفرقوا زمان ورجعتهم الصدفه من جديد، فهل القدر هيسمح لهم يكملوا؟

آيه بتحاول تهدي الأجواء وبتوضح احترامها للإعلام والصحافه بعد سوء الفهم اللي حصل.