بعد نهاية مباراة برشلونة وإنتر ميلان اللي انتهت بتعادل مثير 3-3 في ذهاب نصف نهائي دوري أبطال أوروبا، كانت غرفة الملابس مليانة بنقد ذاتي من لاعبي الفريق الكتالوني وبرشلونة، اللي كان عنده أداء دفاعي ضعيف خاصة في الكرات الثابتة، عارف إنهم ارتكبوا أخطاء كبيرة لازم يعالجوا قبل الإياب.

فيران توريس كان واضح جدًا في تصريحاته وقال: “البداية كانت نائمة، وارتكبنا أخطاء ممكن تكلفنا بطاقة التأهل ما ينفعش نكرر ده في ميلانو” وده يعكس حجم الإحباط اللي كانوا حاسين بيه بعد المباراة.

أما الجناح البرازيلي رافينيا، فركز على الكرات الثابتة، وقال: “استقبال الأهداف ده على أرضنا مش مقبول لازم نكون حذرين من ركنيات إنتر ميلان في الإياب”.

باو كوبارسي، المدافع الشاب، كان متأثر برد فعل الجماهير، وقال: “احنا لازم ننتقد نفسنا. هم ما وصلوش كتير لمرمانا وسجلوا 3 أهداف لكن إحنا مش هنستسلم وهنرد في الإياب بدعم الجماهير”.

أما لامين جمال، فظهر غاضب بعد اللقاء وقال: “كنت متأكد إننا قادرين على الفوز بدأنا بداية كارثية لكن كنا ممكن نحقق نتيجة أفضل”.

الكل في برشلونة مدرك إنهم لازم يحسنوا من أدائهم الدفاعي لو عايزين يواصلوا في البطولة ويحققوا التأهل للنهائي.