في إنجاز ملوش مثيل، فريق الهلال السعودي كسر الدنيا لما فاز علي غوانغجو اف سي الكوري الجنوبي بسباعية نظيفه، في الماتش اللي اتلعب في مدينة جدة.

الماتش كان كله سيطره من الهلال، وقدم مستوي هجومي عالمي خلى الفريق الكوري مش عارف يلحق نفسه ولا حتى يوقف الهجمات.

الفوز الكبير ده يعتبر اكبر خساره لفريق كوري جنوبي في بطولة دوري ابطال آسيا، اللي ابتدت من موسم 2002-2003 وقبل كده كانت اقسي خساره لفرقه كورية هي 5-0، بس الهلال قلب الترابيزة وسجل سبع اهداف مره واحده، في رقم قياسي جديد.

الهلال دلوقتي بقى اول فريق يوصل رسميًا إلى دور نصف النهائي في النسخه الجديده من البطوله، وبيأكد إنه واحد من اقوى الفرق في القاره والفريق لعب بطريقه منظمه وقويه خصوصا في النواحي الهجوميه، ومكنش فيه اي فرصه لغوانغجو يرجع للماتش.

ناس كتير كانت شايفه إن المباراة هتكون سهله للهلال، بس محدش كان متخيل النتيجه الكبيره دي، اللي دخلت التاريخ بكل تفاصيلها والجمهور الهلالي عاش ليله من احلى ليالي الكوره، وسط احتفالات جنونيه في المدرجات.

بكدا الهلال بيواصل مشواره بكل قوه وعينه دلوقتي على النهائي وتحقيق الحلم الكبير.