طرح المطرب الشاب عطار أول ميني ألبوم ليه بعنوان “صاحبت نفسى”، على اليوتيوب وكل المنصات الرقميه ومحطات الراديو، والألبوم من كلمات وألحان عطار، وتوزيع خوليو، ومن إنتاج شركة مزيكا لصاحبها محمد جابر.

الألبوم بيضم 5 أغاني هما: “الناس دى أشرار، صافى، صاحبت نفسى، انتى مجنونة، انت مين”.

عطار كان شوق جمهوره للألبوم من كام يوم، ونزل مقطع صغير من أغنية “صاحبت نفسى” على إنستجرام وكتب: “معادنا يوم التلات هنزل أول تجربة ليا اني أعمل ميني ألبوم بالتعاون مع اخويا خوليو، وان شاء الله التجربة دي تحبوها”.

الجمهور تفاعل جامد مع الإعلان وانهالت عليه تعليقات التشجيع والدعوات بالنجاح، زي “يلا بينا وبالتوفيق ربنا يوفقك ومستني الألبوم يا عطار”.

عطار معروف بأسلوبه الغنائي المختلف، وحقق نجاح السنة اللي فاتت بأغنيته “انا جيت اكحلها عميت” واللي قربت من 15 مليون مشاهدة على يوتيوب.

وقدم قبل كده أغاني كتير زي “ليه كده”، و”بطير في الهوا”، و”كنت الهوا”، وتتر “خالد نور وولده”، وأغنية “طاقة وانطلاقة” لفيلم شماريخ.