رجع النادي الأهلي بتعادل سلبي مهم من جنوب افريقيا قدام صنداونز، في ماتش ذهاب نصف نهائي دوري أبطال أفريقيا اللي اتلعب على ملعب بريتوريا النتيجه دي قربت المارد الأحمر من النهائي رقم 18 في تاريخه الكبير.

الأهلي كسر قاعدة خسارته دايمًا في بريتوريا، خصوصًا مع المدرب كولر اللي خسر قبل كده مره بخماسيه من نفس الفريق المره دي الأهلي لعب بزكاء، واختار يمشي على نفس طريقه الترجي اللي خسر بهدف، بس عملها بطريقته الخاصه.

الترجي قبل كده لعب بطريقة دفاعيه وترك الاستحواذ، وده خلى صنداونز يوصل كتير للمرمى الأهلي خد نفس الفكره بس زود عليها لمسه هجوميه واضحه، وده خلاه اخطر على المرمى رغم إن نسبة الاستحواذ كانت 27% بس.

الأهلي سدد 12 مره على المرمى، مقابل 8 فقط لصنداونز، وده يوضح قد إيه الفريق كان منظم وهجومي رغم قلة التمريرات الماتش الجاي يوم الجمعه على ستاد القاهرة هيكون الحاسم، والمارد الأحمر محتاج يحافظ على الدفاع ويكون حاسم قدام الجول علشان يحسم بطاقة النهائي.