بيستضيف فريق الأهلي نظيره صنداونز الجنوب أفريقي، يوم الجمعه الجاي على ستاد القاهرة، في إياب نصف نهائي دوري أبطال أفريقيا، واللي بيحلم فيه المارد الأحمر بالوصول للنهائي للمرة التامنة عشر في تاريخه.

الأهلي كان فرض تعادل سلبي ثمين في مباراة الذهاب بجنوب أفريقيا، وده خلاه يقرب خطوة كبيره من الوصول للنهائي للموسم السادس على التوالي، وده رقم كبير في القارة.

الفريق الأحمر قبل كده وصل للنهائي 17 مرة، وحقق اللقب 12 مرة، وبيحاول الموسم ده إنه يحط النجمة التلاتاشر على التيشيرت، بعد ما حصل على الوصافة 5 مرات.

اما عن مرات خروجه من نصف النهائي، فهي كانت بس 3 مرات، في 1981 لما انسحب بسبب وفاة السادات، وفي 1988 قدام وفاق سطيف، وأخيرًا في 2010 ضد الترجي التونسي بعد تعادل 2-2 وخروج بقاعدة الهدف خارج الأرض.

ماتش الجمعه الساعة 7 مساءً بتوقيت القاهرة، هيكون حاسم في طريق الأهلي نحو اللقب، واللي كل الجماهير مستنية تشوف الفريق بيرجع بالكأس من جديد.